|
|
|
Spurt og svaraðHvernig tek ég Gegni í notkun á bókasafni mínu? [2005-11-24]Sjá einnig:
Hvernig tölvubúnað þarf ég til að geta notað Gegni?
Hvað er starfsmannaaðgangur og hvað er vefviðmót?
Hvaða söfn mega nota kerfið?
Öll bókasöfn á Íslandi geta notað Gegni, sem hýsir samskrá íslenskra bókasafna, ef þau óska þess.
Bókasöfn sem eru í eigu sveitarfélaga (svo sem grunnskólasöfn og almenningsbókasöfn)
geta tengst kerfinu ef viðkomandi sveitarfélag er hluthafi í Landskerfi bókasafna hf. og hefur
gert þjónustusamning við félagið. Önnur bókasöfn geta gert samning við félagið sjálf og greiða
þá mánaðargjald eftir verðskrá.
Hvað kostar að nota kerfið?
Verðskrá Landskerfis bókasafna er fjórþætt:
| • | Sveitarfélög greiða gjald sem miðast við íbúafjölda, og gildir það þá fyrir
öll bókasöfn á vegum þess sveitarfélags. |
| • | Háskólasöfn greiða gjald sem miðast við nemendafjölda og fjölda akademískra starfsmanna
á safninu. |
| • | Framhaldsskólasöfn greiða eftir fjölda nemenda. |
| • | Önnur söfn greiða eitt grunngjald (kr. 37.700 á mánuði árið 2013) nema um sé að
ræða sérlega stórt safn (með meira en 20.000 eintök), þá er greitt eitt og hálft grunngjald, eða ef um er að
ræða mjög lítið safn (færri en 5000 eintök, þá er greitt hálft grunngjald). Mjög lítil söfn á vegum félagasamtaka
greiða fjórðung grunngjalds. |
Mánaðargjaldið er greiðsla fyrir notkun á kerfinu, afritatöku á miðlægum gögnum, leiðsögn okkar um kerfið,
aðstoð við uppsetningu, þýðingu á kerfinu, flest námskeið og fleira sem tilgreint er í þjónustusamningi. Frá 2005 hefur grunngjaldið verið bundið vísitölu neysluverðs.
Á ofangreint verð bætist lögbundinn virðisaukaskattur (nú 25,5%), en þó er rétt að taka fram að opinberar stofnanir eiga að fá fjóra fimmtu virðisaukaskattsins endurgreidda (sjá nánar úrskurð yfirskattanefndar um málið á vef nefndarinnar).
Hvernig get ég tengst kerfinu?
Það sem gera þarf er í megindráttum þetta:
| • | Fá fasta IP-tölu safntölvunnar (eða ytri IP tölu fyrir Internettenginguna) hjá tölvuumsjónarmanni safnsins. |
| • | Senda töluna til okkar á hjalp@landskerfi.is (við opnum þá kerfið fyrir
tölvunni). |
| • | Sækja leiðbeiningar um uppsetningu á biðlara á vefsíðu okkar á slóð sem
við sendum þér. Biðlarinn er
Windowsforrit sem veitir svonefndan starfsmannaaðgang að kerfinu. |
| • | Sækja biðlarann sjálfan á sömu vefsíðu og gæta að því að sótt sé rétt
útgáfa hans, þ.e.a.s. sú sem er ætluð þeirri stjórnunareiningu eða safnahópi sem safnið tilheyrir
(sbr. stjórnunareiningar).
| | • | Setja upp biðlarann á safntölvunni (gæta þarf að því að sá sem það gerir
hafi full réttindi eða Administrator réttindi á vélinni). |
| • | Fá úthlutað notandanafni og aðgangsorði hjá okkur
(á hjalp@landskerfi.is). |
| • | Skrá sig á póstlista okkar (á síðunni
Póstlistar)
ef þú ert ekki þegar búin að því. |
| • | Fá aðgangsorð hjá okkur til að komast á Þjónustuvef Landskerfis bókasafna
þar sem finna má fræðsluefni, tölfræði um útlán og fleira gagnlegt. |
| • | Gera þjónustusamning við okkur. |
| • | Til að hægt sé að tengja eintök þarf að strikamerkja þau. Útvega þarf strikamiða (sjá nánar leiðbeiningar okkar). Ef safnið á ekki strikamerkjaskanna þarf að útvega a.m.k. einn slíkan. |
Hvernig læri ég að nota kerfið?
Hér á þessum vefsíðum er mikið kennsluefni að finna, einkum á Þjónustuvefnum. Til að byrja að nota kerfið er
gott að lesa þessar leiðbeiningar og prófa sig svo áfram. Svo er nauðsynlegt að sækja námskeið, og er þeim
lýst nánar hér á vefnum (sjá Námskeið og Skráning). Þeir sem byrja að nota kerfið þurfa flestir að læra
þessi atriði:
| • | Að leita í kerfinu, bæði í starfsmannaaðgangi og á vef. |
| • | Að tengja eintök, en í því felst að gefa til kynna hvaða eintök eru til á þínu safni,
sem þegar hafa verið skráð í kerfið. Gerður er greinarmunur annars vegar á eintakafærslum sem vísa til þeirra
eintaka sem einstök söfn eiga og hvar þau eru staðsett, og hins vegar á bókfræðifærslum sem vísa til upplýsinga um
einstök rit eða önnur safngögn, svo sem heitis höfundar og titils. Mörgum söfnum nægir að tengja eintök við
bókfræðifærslur, en stærri söfnin þurfa líka að geta skráð bókfræðifærslur. |
| • | Að skrá safngögn, ef þess gerist þörf. |
| • | Að lána út safngögn, ef ætlunin er að nota kerfið til útlána, sem oftast er
raunin. |
Auk aðalkerfisins rekum við prófunarkerfi, sem meðal annars er notað til kennslu, og þar geta þeir sem eru
að læra að nota það gert tilraunir t.d. með tengingu eintaka, skráningu og útlán án þess að það trufli aðra
notendur.
Hvar fæ ég hjálp?
Svona biður þú um hjálp:
| • | Með tölvupósti sem sendur er á hjalp@landskerfi.is. |
| • | Með símtali ef tölvupósturinn er bilaður; síminn er 514-5050. |
Svona veitum við hjálp:
| • | Með leiðbeiningum á vefsíðum okkar. |
| • | Með kennslu á námskeiðum. |
| • | Með tölvupósti, einnig en sjaldnar með símtölum.
|
Loks má benda á að hjálp er innbyggð í starfsmannaviðmót bókasafnskerfisins, líkt og í flest önnur
Windowsforrit, en hún er þó á ensku.
|
|
|
