Aðalfundur Rekstrarfélags Sarps & kynning á MuseumPlus

Dagskrá aðalfundar Rekstrarfélags Sarps er samkvæmt 3.1 grein samþykkta félagsins:

a) Skýrsla framkvæmdastjórnar um starfsemi rekstrarfélagsins á liðnu ári.

b) Ársreikningar fyrir liðið starfsár lagðir fram til samþykktar.

c) Ákvörðun um framlög í þróunarsjóð.

d) Innganga nýrra eignaraðila og eignarhlutdeild þeirra staðfest. Endurákvörðun skiptingar eignarhluta staðfest.

e) Kosning fulltrúaráðs.

f) Kosning endurskoðanda.

g) Breytingar á samþykktum félagsins.

h) Önnur mál.

Undir liðnum Önnur mál verður farið yfir niðurstöður útboðs um arftaka Sarps 3 og næstu skref rædd. Dominik Gertsch frá Zetcom GmbH stígur á stokk og sýnir MuseumPlus skráningar- og umsýslukerfið sem verður arftaki Sarps 3. Að endingu verða umræður.   Við hvetjum áhugafólk um Sarp til að mæta á fundinn og láta þetta tækifæri ekki framhjá sér fara. Fyrir þá sem ekki eiga heimagengt verður boðið upp á streymi frá fundinum.

Fundurinn er opinn öllum sameignar- og samstarfsaðilum Rekstrarfélags Sarps en aðeins sameignaraðilar fara með atkvæðisrétt á fundinum.

Boðið verður upp á kaffiveitingar í lok fundarins en þar gefst einnig tækifæri til að spjalla saman.