Vinnustofa fyrir skrásetjara

Markhópur: Starfsfólk sem þegar hefur skráningarheimild í Gegni sem vantar stuðning í bókfræðiskráningu.

Markmiðið með þessari vinnustofu er að styðja við skrásetjara sem eru með skráningaheimild og þurfa handleiðslu fyrstu skrefin í nýja Gegni. Fyrirkomulag vinnustofunnar er að hver og einn komi með fartölvu og eigið efni til að skrá og fái leiðsögn við þau vandamál sem upp koma. Vinsamlegast látið vita ef þið þurfið aðstoð við annað efni en bækur. 

Vinnustofan verður haldin í húsakynnum Landskerfis bókasafna, Katrínatúni 4. Leiðbeinendur verða Hallfríður Kristjánsdóttir og Kristín Lilja Björnsdóttir bókfræðisérfræðingar á Landsbókasafni. 

Athugið - Biðlisti:

Þar sem við rennum blint í sjóinn varðandi eftirspurn fyrir vinnustofu í skráningu erum við einnig með biðlista fyrir fleiri námskeið. Skráið ykkur endilega á biðlista fyrir annað námskeið hér, ef þið komist ekki að, til að hjálpa okkur við skipulagningu.