Fréttir

Eitt af meginverkefnum Landskerfis bókasafna á fyrrihluta ársins er undirbúningur uppfærslu Gegnis í útgáfu 18 af Aleph kerfinu. Vinnan er unnin í prófunarumhverfi Gegnis, sem af þeim sökum er óaðgengilegt aðildarsöfnum. Til að mæta þeim óþægindum hefur verið sett upp sérstök kennsluvél.

Stofnaður hefur verið verkefnahópur til að styðja við verkefnið og miðla upplýsingum til sinna safnategunda. Í verkefnahópnum eiga sæti fulltrúar frá Alefli, Landsbókasafni Íslands – Háskólabókasafni, Borgarbókasafni Reykjavíkur og Landskerfi...

Fundargerðir skráningarráðs eru birtar á heimasíðu Landskerfisins. Fundargerð frá 34. fundi ráðsins hefur nú verið sett á síðu skráningarráðs.

Tölfræði vegna janúarmánuðar 2008 er komin á þjónustuvefinn.

Skráningarráð hefur samþykkt að leyfa, til bráðabirgða, safnfærslur (skemmri skráningu) fyrir safngögn á framandi tungumálum, þ.e. tungumálum sem þarfnast umritunar. Einstakir titlar og höfundar eru þar með ekki leitarbærir í Gegni, færslurnar eru einungis gerðar til þess að hægt sé að lána efnið út. Þau söfn sem vilja hafa efnið leitarbært í Gegni þurfa að skrá efnið á hefðbundinn hátt. Listi yfir færslur sem leyfilegt er að nota til að tengja eintök við verður birtur á síðu skráningarráðs og í Handbók skrásetjara...

Vakin er athygli á því að sk. árslokatölfræði ársins 2007 er nú aðgengileg á Þjónustuvef félagsins. Um er að ræða mikinn fjölda staðlaðra skýrslna um eintök og titla, útlán og lánþega í Gegni á liðnu ári.

Flestir viðskiptavinir hafa nú fengið sendan nýjan þjónustusamning, en á síðasta ári var ákveðið að ráðast í endurgerð samninganna með það að leiðarljósi að staðla þá og skerpa á ákvæðum um þjónustu ofl. Allir samningar eru nú verðtryggðir. Til upplýsingar eru tveir viðauka samningsins nú birtir á heimasíðu félagsins. Hér er um að ræða Staðlaðar skýrslur úr Gegni og Gjaldskrá félagsins á nýju ári.

Um leið og við óskum samstarfsfólki og velunnurum okkar friðar á jólum og farsældar á nýju ári, vekjum við athygli á að skrifstofa Landskerfis bókasafna verður lokuð 24. og 31. desember.

Þökkum ánægjulega samvinnu á árinu sem er að líða.

Glærur frá fræðsludögum skrásetjara, þann 18. og 19. október síðastliðinn, eru nú aðgengilegar á síðu skráningarráðs á heimasíðu Landskerfis bókasafna.

Handbók skrásetjara Gegnis hefur verið færð í nýtt vefumsjónarkerfi. Nýi vefurinn auðveldar aðgang að efninu og gerir það sýnilegra. Merki handbókarinnar hannaði Hólmfríður Sóley Hjartardóttir vefstjóri. Auk hennar eru Hildur Gunnlaugsdóttir og Monika Magnúsdóttir í ritstjórn. Uppsetning kerfisins og ráðgjöf var í höndum Gunnars Grímssonar viðmótshönnuðar. Landsbókasafn Íslands - Háskólabókasafn heldur vefnum úti og styrkti þessa nýju gerð hans.

Skráningarhandbók Gegnis...