Main content
main
Auðkenning í Rafbókasafnið
06.04.2018
Lánþegar eru almennt séð með tvenns konar auðkenni í Gegni og annað þeirra er einnig auðkenni að Rafbókasafninu. Þessi auðkenni sjást undir víðværum lánþegaupplýsingum. Annars vegar er það kennitala og hins vegar strikamerki, sem er í næsta reit fyrir neðan kennitöluna.
Þetta strikamerki getur verið eitt af eftirtöldu:
- GE-númer (hafi lánþegi fengið slíkt kort í einhverju bókasafni)
- A-númer (sem kemur inn með nýjum lánþegum gegnum þjóðskráruppfærslu)
- B-númer (númer sem Gegnir úthlutar, nánar síðar)
- 400-númer (gervikennitala)
- Auðkenni sem byrjar á einhverjum öðrum bókstöfum eða tölustöfum (virkar ekki fyrir innskráningu í Rafbókasafnið)
Ef bókasafn hefur hingað til ekki gefið út skírteini til lánþega, þá þarf að taka ákvörðun um:
- hvort eigi að kaupa GE-plastkort (við höfum milligöngu um pöntun plastkortanna)
- eða hvort starfsfólk vill sjálft prenta út límmiða til að setja á pappaspjöld (fást hjá okkur)
- gefa lykilnúmer fyrir strikamerki - sama og kennitölu
Ef verklagið er nú þegar að prenta út límmiða til að líma á spjöld frá okkur, þá er í flestum tilvikum nóg að prenta út nýjan miða og þá ætti strikamerkið að koma í stað kennitölunnar sem er væntanlega á gamla spjaldinu.
Til athugunar:
- Ef um GE-númer er að ræða, þá er líklegt að lánþeginn eigi GE-plastkort sem hann hefur fengið í öðru bókasafni. Lánþeginn þarf því í raun ekki annað kort í veskið, hann getur notað plastkortið bæði fyrir Rafbókasafnið og til að auðkenna sig í hvaða bókasafni sem er. Auðvitað þarf hann samt sem áður að borga árgjald í hverju safni fyrir sig. Ef lánþeginn er ekki búinn að týna GE-kortinu sínu, þá er óþarfi að prenta fyrir hann nýtt kort.
- Ef strikamerkið byrjar ekki á GE, A, B eða 400, þá þarf að stroka númerið út og vista lánþegann (með reitinn tóman). Þannig býr Gegnir til B-númer. Ef villuboðin "Duplicate barcode" koma upp, þá er nóg að bæta tölustöfum við B-númerið eða breyta númerinu aðeins (má þó ekki vera meira en 10 stafir), og prófa að vista aftur.
horizontal
print-links
